若無其事的活著~~

記者：劉嘉欣/攝影：楊觀賜
 
「我呢生人之中俾人誤會我係有精神病，我覺得係最大嘅遺憾！」80歲的馮伯（化名）是獨居長者，2009年被斷定患上抑鬱症，但他多年來堅持自己「無事」。根據醫管局推算，香港平均每七人，就有一人患有精神病。但若果病人認為自己無病，可以如何證明？正常跟瘋狂如何界定？

「如果醫生話你有精神病，除非佢自己親口話你無，否則你無咩方法證明自己。」身體一直無恙的馮伯，2009年參加政府的長者健康評估先導計劃，被指有情緒問題，要到葵涌醫院接受觀察。馮伯雖然堅信自己「正常」，但由於害怕反抗會增長住院時間，惟有「乖乖哋」入院，開始食藥。「如果你反抗唔食藥，結果係被人綁手綁腳，撐開你個口，強行將藥放入去。」馮伯住院42日後，醫生斷定他患上抑鬱症，深藏不露而且有自殺傾向。

據馮伯透露，醫生指他患上抑鬱症，基於兩大原因：立遺囑及無朋友。「佢話你又無錢又無朋友，咁你立張遺囑做咩？我立張遺囑係將啲事清楚講出嚟，等我過身之後，啲人唔會覺得好難打理我後事！」事隔多年，提起醫生的判斷，馮伯依然忿忿不平，指自己從沒想要自殺，而且不少社工朋友，只是醫生認為社工不算是朋友。

跟進馮伯個案超過七年的社工，香港社區組織協會社區組織幹事阮淑茵指，不少病人即使向醫生上訴，醫生只會認為他們是沒有病適感（拒絕承認自己患病），偏向不信他們的口供。對於馮伯被指患病，她坦言難以相信。「我第一剎那感覺就係，你講真定講笑？佢照顧自己的能力，比一般老人家高，講嘢思路好清晰，唔覺得佢有咩其他情緒問題。」

既然多年來堅持自己無事，馮伯有嘗試過為自己「上訴」嗎？「就算我轉醫生，佢哋都只係跟上一手醫生嘅指示去做；就算而家真係覺得我無事，最多都只會話我係康復。」的確，精神病人一旦被確診，想「洗底」近乎不可能。

到底一個人有無精神病，是如何界定？有別於其他病可以用科學檢查斷症，精神病專科醫生，會用美國精神醫學學會出版的DSM5或世衛的ICD10作指引診證。其中ICD10廿三年沒有更新過，DSM5就受到不少行內專家抨擊列出的病徵太粗疏，令被界定為患者的人數大大上升。根據DSM5對精神病的界定，3個月內超過12次進食過量是暴食症；脾氣差隨時是破壞性精神障礙；親人離世的悲慟可以是重度抑鬱。

對於有抑鬱症病人堅持自己無事，精神科醫生曾繁光說並不罕見。「好抑鬱嘅人呢，佢哋個專注力都好差，特別係佢醫返好之後，佢都唔係好記得自己有病，因為佢可以係無咗段記憶。」講到尾，到底馮伯有病還是無病？醫生話有，馮伯話無。但現行制度下，馮伯證明不到自己，精神病患者這幾個字，會一直跟着他。

資料來源：【精神病．人】 吾係精神病人  蘋果日報  要聞港聞  20150328